معرفة الفرق بين جودات الافلام مهم جدا قبل تحميل اي فيلم وبالتأكيد جربت فى يوم من الأيام تنزل فيلم بلوراي Blu-ray HD 1080p و لقيت حجمه 2 جيجا و لقيت فيلم زيه و مكتوب عليه برده Blu-ray HD و لقيت حجمه 40 جيجا!

و اكيد ناس كتيرة مش عارفة تفرق ما بينهم لان الأثنين مكتوب عليهم Blu-ray 1080p بس فى فرق شاسع فى الحجم بينهم النهارده هتعرف تابع معى المقالة و هتعرف كل حاجة :)

اقرأ أيضا: الفرق بين كابل HDMi وDVI وكيبل DisplayPort

تعرف على نسخ الأفلام عالية الجودة و ما الأفضل و ما الذى يناسبك

أولا لازم تتعرف على صيغ الأفلام المنتشرة على النت و مميزات و عيوب كل واحد فيها:

1-BDrip

هى نسخ تم تكويدها بأكواد XVID من إسطوانة Blu-Ray مباشرة و لكن تم عملها عملية RIP بمعنى تقليل الجودة لها و ضغطها بشكل أحترافى ليصغر حجمها و تظل جودتها قريبة من الجودة الموجودة بالأسطوانة الأصلية

مميزتها:

1-مساحتها صغيرة بالنسة للجودتها

2-منتشرة بشكل كبير جدا يمكن أن تبحث عنها بمواقع التورنت و تجدها و تحملها بكل سهولة

عيوبها:

جودة الصوت و الصورة مش زى النسخة البلوراى اللى متاخدة منها و ال BitRate بتاعها قليل ففى بعض المشاهد فى الفيلم اللى فيها ضرب نار و سرعة و أنفجرات الصورة هتبطأ معاك و هتبأ مش واضحة لكن أيضا فى بعض النسخ منها زى yify بيظبطو الحاجات دى و الحتت اللى بتكون محتاجه Bitrate عالى بيزودولها البيتريت شوية عشان الصورة تبأ طبيعية و تتراوح مساحتها من 1 إلى 4 جيجا

أشهر الفرق المنتجة لها:

yify

CHD و هى الأفضل على الأطلاق عن تجربة لو لقيتها فى أى نسخة حملها و أنت مغمض :D

se7en

HighCode

LEGi0N

MZON3

DiVERSiTY

HQMi

PASHA

MZON3

GECKOS

MAJESTIC

FRWL

PsiX

PASHA

VoXHD

DNT

ELiTE

2-BRrip

هى نسخ تم تكويدها بأكواد XVID أيضا ولكن من نسخ Blue Ray مثال ( ملفات 1080p *.mkv )  و تتراوح مساحتها من 1 إلى 4 جيجا

مميزتها:

1-مساحتها صغيرة بالنسة للجودتها

2-منتشرة بشكل كبير بس مش زى BDrip يمكن أن تبحث عنها بمواقع التورنت و تجدها

عيوبها:

جودة الصوت و الصورة مش زى النسخة البلوراى ولا حتى ال BDrip جودتها أقل من BDrip و ال BitRate بتاعها قليل ففى بعض المشاهد فى الفيلم اللى فيها ضرب نار و سرعة و أنفجرات الصورة هتبطأ معاك و هتبأ مش واضحة أشهر الفرق اللى بتعملها هى نفس الفرق اللى بتعمل BDrip

3-Blu-ray 1080p

هى نسخ بلوراى ذات جودة عالية أخذت من الأسطوانة البلوراى الأصلية و لكن مع تقليل الجودة بشكل قليل Loses less و ال Bitrate بها عالى نسخ رائعة لكن ليست طبعا بجودة البلوراى الأصلية لكن جودتها HD صافيه و تتراوح مساحتها من 6 إلى 18 جيجا

مميزتها:

1-حجمها متوسط بالنسبة لجودتها

2-جودتها رائعة و نقية

3-منتشرة و يمكن أن تبحث عنها فى مواقع التورنت و تجدها

عيوبها: ليس لها عيوب بالشكل المفهوم فهى نقية و رائعة و منتشرة

أشهر الفرق المنتجة لها:

SPARKS رائعة عن تجربة

LEGi0N

SECTOR7

CHD رائعة عن تجربة

WiKi أكثر من رائعة عن تجربة حملها لو لقيتها

RBG

HDW

GECKOS

TuT

AMIABLE

PHD

DON

BLOW

MiLLENiUM

PriMeHD

BladeBDP

HDMaNiAcS

4-Blu-ray 720p

هى نسخ بلوراى ذات جودة عالية أخذت من الأسطوانة البلوراى الأصلية و لكن مع تقليل الجودة بشكل قليل Loses less و حولت إلى جودة 720p لكى يقل حجمها و ال Bitrate بها عالى نسخ رائعة لكن ليست طبعا بجودة البلوراى الأصلية لكن جودتها HD صافيه و تتراوح مساحتها من 4 إلى 8 جيجا

مميزتها:

1-حجمها صغير بالنسبة لجودتها

2-جودتها شبيها بال 1080p مافيش فرق كبير لكن هى أضغر بكتر

3-منتشرة على مواقع التورنت يمكنك أنت تبحث عنها و تجدها بسهولة

عيوبها:

ليس لها عيوب بالشكل المفهوم فهى نقية و رائعة و منتشرة و حجمها صغير

أشهر الفرق المنتجة لها:نفس الفرق المنتجة لل Blu-ray 1080p

5-Blu-Ray

البلوراى الأصلية هى نسخة منتجة من الشركة المصنعة للفيلم نفسها عادتا بتصدر بالأسواق بعد عرض الفيلم بالسينمات بأربعة أو خمسة أشهر وتكون عبارة عن ملف ISO لو نزلتها من التورنت و بيكون فيها كل الاصوات و الترجمات و الجودة الأصلية للفيلم اللى بتتعرض فى السينمات لكن للأسف بيبأ حجمها كبير أوى بتتراوح مساحتها ما بين ال 30 و ال 70 جيجا

مميزتها:

1-جودة الصورة و الصوت بها عاليين بشكل كبير جدا لا يصدق زى اللى ببتعرض فى السينمات و أحسن لآنها أصليه من الشركة نفسها و ال Bitrate بتاعها عالى جدا ممكن يوصل لل 54 Mpbs

2-مضاف إليها كل الدبلجات و الترجمات اللى نازلة من الشركة بأعلى جودة جودتها خرافية

عيوبها:

1-حجمها كبير جدا يصعب علينا تحميله من التورنت

2-صعب تشغيلها لازم يكون عندك Blu-ray Player

كده أنا خلصت شرح النسخ عالية الجودة المنتشرة على النت بعد ما أنت قرأت كل ده واحد يسألنى كذا سؤال أول واحد أيه هو ال BitRate

هو من الأخر و بدون دخول فى تفاصيل هو اللى بيحدد دقة و جودة و تفاصيل الفيلم و كل ما يزيد ال Quality يزيد و تشوف حاجات مكنتش بتلاحظها و كل ما يزيد برده الحجم بيزيد يعنى مثلا لو جيتب منجاية و عملت عليها كوبين عصير مش زى ما تجيب منجاية و تعمل عليها بطرمان عصير بس هى فى الأول و فى الأخر مانجه :D و الأفلام برده فى الاول و فى الأخر HD بس بتفرق فى جمال الصورة أنت لو عندك Smart TV هتدرك الكلام ده أكتر من اللى عنده كمبيوتر بس

تانى سؤال طب أنا عاجبنى ال Blu-ray ده أوى بس حجمه كبير عليا مفيش حاجة زيه صورتها أصلية بنفس الجودة بالظبط ما أتأسرتش حتى 1 بالمليون بس بحجم أقل

أه فيه و هى عملية ال REMUX و هى موضوع مقالتنا النهارده

قبل ما نخش فى التفاصيل نطرح شوية أسئلة الأول:

ماهو البلوراي ريموكس Remux ؟

البلوراي ربموكس هو عمليه دمج ملفات فيلم البلوراي الاصلي في ملف واحد مع الاحتفاظ بنفس جوده البلوراي الاصلي سواء صوت او صوره بدون اي تغيير

هل عمليه الدمج ده بتؤئر علي جوده الفيلم ؟

لا ابدا ولا حتي بنسبه واحد في المليون

يعني افلام الريموكس هتديني نفس جوده البلوراي الاصلي ؟

طبعا اكيد

افلام الريموكس احسن من البلوراي ريب ( bluray 1080p , 720p )؟

اكيد وفرق السما من الارض

فرق المساحات ده ليه ؟؟

اقولك ركز معايا

فيلم البلوراي الاصلي بيكون شكله كده من جوه

وده صورة من فولدر الـSTREAM اللى فيه الفيلم

ده فيلم Real Steal 2011

حجم الفيلم : 46.1 جيجا
عدد الملفات : 605 ملف
عدد الفولدرات : 33 فولدر

الفيديو:
Video: MPEG-4 AVC Video / 22235 kbps / 1080p / 23.976 fps / 16:9 / High Profile 4.1

ملفات الصوت:
Audio: English / DTS-HD Master Audio / 7.1 / 48 kHz / 6065 kbps / 24-bit (DTS Core: 5.1 / 48 kHz / 1509 kbps / 24-bit)
Audio: French / DTS-HD High-Res Audio / 7.1 / 48 kHz / 2046 kbps / 24-bit (DTS Core: 5.1 / 48 kHz / 1509 kbps / 24-bit)
Audio: Spanish / Dolby Digital Audio / 5.1 / 48 kHz / 640 kbps
Audio: English / Dolby Digital Audio / 2.0 / 48 kHz / 320 kbps / Dolby Surround
* Audio: English / Dolby Digital Audio / 2.0 / 48 kHz / 320 kbps / DN -4dB

الترجمات:
Subtitle: English / 40.912 kbps
Subtitle: English / 65.815 kbps
Subtitle: French / 28.054 kbps
Subtitle: French / 56.065 kbps
Subtitle: French / 0.171 kbps
Subtitle: Spanish / 32.270 kbps
Subtitle: Spanish / 60.302 kbps
Subtitle: Spanish / 0.236 kbps

المساحه الكبيره ده ليه ؟؟

بيكون عندك ملف الفيديو لوحده عامله 27 جيجا
عندك ملف صوت بصيغه DTS-HD MA وده اعلي دقه للصوت وهو ده اللي بنسمعه في السينما وعامل 5.5 جيجا
ملف الصوت بصيغه DTS حجمه 2.5 جيجا
ملفات صوت بصيغه DTS وده لغات اخري و في بصيغه AC3 ودول عاملين 6 جيجا
ملفات ترجمه (متوسط العدد 10 )عاملين 350 ميجا

طيب لو انا هتفرج علي فيلم بلوراي ريموكس ايه اللي انا محتاجه من الكلام اللي فوق ده ؟؟؟

الصوره زي ما هيا والصوت الـ DTS-HD MA وملفات الترجمه بس
اما ملفات الصوت التانيه فانا مش محتاجها خالص لان جودتها قليله وواخده مساحه عالفاضي ملهاش اي لازمه
يعني في الفيلم ده انا وفرت مساحه 6 جيجا عن البلوراي الاصلي وخدت افضل صوت وصوره
وفي الافلام اللي بتنتجها وارنر بروس بعض الافلام بحتوي علي اكتر من 10 دبلجات يعني مساحه كبيره جداااا عالفاضي
هو ده البلوراي ريموكس

ده النسخه الريموكس من الفيلم

Real Steel 2011 1080p Blu-ray Re-remux AVC DTS-HD MA 7.1 – KRaLiMaRKo

مساحتها : 26.4
عدد الملفات : ملف واحد فقط mkv

تحتوي علي ملف الفيديو (مماثل لنسخه الكامله) بدون اي ضغط

Video: MPEG-4 AVC Video / 22235 kbps / 1080p / 23.976 fps / 16:9 / High Profile 4.1

وملف الصوت DTS-HD MA 7.1 الانجليزي فقط

Audio: English / DTS-HD Master Audio / 7.1 / 48 kHz / 6065 kbps / 24-bit (DTS Core: 5.1 / 48 kHz / 1509 kbps / 24-bit

وعدم وجود ملفات الصوت الأخري وفرلي مساحه 19 جيجا مع الاحتفاظ بالجوده الحقيفيه للملف بدون أي ضغط او تغيير او تلاعب

تمام انا كده فهمت انه فيلم الريموكس عباره عن تجميع ملفات البلوراي الاصلي في ملف واحد بس وبتتشال ملفات الصوت التانيه غير الانجليزيه وده هو اللي بيوفر المساحه الكبيره وبيديني اللي انا عاوزه وبافضل جوده , صح ؟

صح

امال افلام البلوراي 1080 و 720 بتتعمل ازاي ؟

اللي بيحصل انهم بيتم عمل ضغط لملف الصوره عن طريق الكوديك عشان يقلل حجم ملف الصوره الضخم وده طبعا بيقلل جوده الصوره وبيحاولوا دائما انه يكون قريب من ملف الصوره الاصلي ولكن ده مش بيحصل
يتم ضغط ملف الصوت من DTS-HD MA الي DTS فقط وده جودته قليله او حتي الي AC3 وده اقل حجم واقلهم جوده
يتم حذف جميع الترجمات او الاحتفاظ ببعضها حسب الحاجه
وده طبعا بينزل حجم الفيلم وجودته بصوره كبيره

ده جدول بيوضح المقارنه بين جميع الصيغ بشكل نقاط
الافضل بياخد 5 نقاط
الاسوء بياخد نقطه واحده

طب أيه أشهر الفرق اللى بتعمل عملية ال REMUX:

CHD و هى الأفضل على الأطلاق عن تجربة

KRaLiMaRKo

HiFi

FraMeSToR

BONZO

MM

XAA

[email protected]

R2D2

JcKHrr

طب لو أنا عندى أسطوانة بلوراى Blu-ray و عايز أعملها عملية Remux أقدر؟؟؟

أيوه تقدر و ده هيبأ موضوع المقالة الجاية بإذن الله شرح عمل النسخ ال REMUX من البلوراى و أزاى تشوف الفيلم البلوراى على الكمبيوتر بدون Blu-ray Player أنتظروا الموضوع القادم

طب أزاى أحمل نسخ ال Blu-ray الأصلية من التورنت؟

سهلة أفتح موقع التورنت مثلا thepiratebay و أكتب أسم الفيلم و رتب بال Size أعلى حجم هو الأسطوانة :D و لو عايز النسخة الريموكس أكتب أسم الفيلم جمبه كلمة REMUX و رتب بالحجم برده و شوف النسخ الريموكس اللى أودامك لازم يكون مكتوب عليها REMUX و حمل من الفرقة اللى أنت عايزها الأفضل هى CHD و KRaLiMaRKo

طب أنا ما بعرفش أحمل من التورنت و عايز أعرف أزاى أحمل منه؟

فى الحالة دى أنت هتشوف درس المبدع مصطفى السيد شرح التحميل بالتورنت .. واحتراف البحث عن الملفات و هتلاقيه شارح فيه كل حاجة:

http://wp.me/p2irYY-2ow

أيه أفضل موقع لتحميل الأفلام ذات الجودة العالية؟

iptorrent لكن هو للأسف عشان تخش عليه محتاج عضوية و عشان تاخد عضوية لازم حد يبعتلك دعوه فيه لو ليك واحد صاحبك عنده أكونت عليه و عنده دعوات عليه خليه يبعتلك دعوة على ايميلك

تحياتى Ahmed Maher و أنتظروا المقالة القادمة بأذن الله بعنوان شرح تحويل النسخ البلوراى إلى نسخ REMUX و تشغيل النسخ البلوراى على الكمبيوتر بدون Blu-ray Player

لو عجبك المقالة متنساش تدعمنا بلايك و شير و أشتراك بقناتنا على اليوتيوب عشان يوصلك كل جديد و لو مفهمتش أى حاجه فى المقالة أكتب فى التعليقات و هرد عليك و أحاول أفهمك تانى